(បន្ទាយមានជ័យ)៖ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទារ នាថ្ងៃទី០៧ ខែកញ្ញា ឆ្នាំ២០២២ បានដឹកនាំប្រតិភូទស្សនកិច្ចការងារនៅមណ្ឌលសំចតក្រុងប៉ោយប៉ែត និងពិនិត្យវឌ្ឍនភាពនៃដំណើរការសាងសង់អាគារមណ្ឌលសំចតថ្មី ចំនួន៥ ក្រោមជំនួយរាជរដ្ឋាភិបាលនៃព្រះរាជាណាចក្រថៃ ដែលមានតម្លៃជិត ១,៥លានដុល្លារ នៅភូមិប្រជាធម្មកើត សង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ។
នាឱកាសសនោះដែរឯកឧត្តម វង សូត បានថ្លែងកោតសរសើរដល់មន្ទីរសង្គមកិច្ច អតីតយុទ្ធជន និងយុវនិតិសម្បទារ អាជ្ញាធរដែនដី អង្គការ សមាគមក្រៅរដ្ឋាភិបាលនានា ព្រមទាំងមណ្ឌលសំចត ដែលបានខិតខំបំពេញការងារទទួលនិងផ្តល់សេវានានាដល់ពលករខ្មែរដែលវិលត្រឡប់ពីប្រទេសថៃ និងប្រទេសឯទៀត ទាំងក្នុងកាល:ទេស:ដ៏លំបាកនិងងាយស្រួលកន្លងមកដល់បច្ចុប្បន្ន ។
វិស្វករថៃ លោកផៃរ៉ូត និងទីប្រឹក្សាបច្ចេកទេសនៃក្រុមហ៊ុនថៃបានរាយការណ៍ជូនរដ្ឋមន្ត្រីនូវដំណើរការសាងសង់មណ្ឌលសំចតថ្មី នៅទល់មុខទីតាំងចាស់ ។ ក្នុងនោះ ទីតាំងការដ្ឋាន បានពង្រាបទីលាន ចាក់ដី ធ្វើរបងព័ទ្ធការដ្ឋាន បុកជើងសសរបាន៣០ភាគរយហើយ ។ហើយ បើគ្មានអ្វីប្រែប្រួលឬឧបសគ្គទេ គម្រោងសាងសង់នឹងរួចរាល់តាមផែនការ ថ្ងៃទី១៥ ខែសីហា ឆ្នាំ២០២២–១៥ ខែសីហា ឆ្នាំ២០២៣ ។
ជាមួយគ្នានោះរដ្ឋមន្ត្រីក្រសួងសង្គមកិច្ច បានថ្លែងអំណរគុណដល់រាជរដ្ឋាភិបាលថៃ ដែលផ្តល់ជំនួយឥតសំណងកសាងមណ្ឌលសំចតថ្មី អោយមានលក្ខណ:សមស្រប ទំនើបនិងមានស្តង់ដារអន្តរជាតិសម្រាប់ទទួលពលករកម្ពុជានេះ ។និងក៏អរគុណលោករដ្ឋមន្ត្រីក្រសួងសុខុមាលសង្គមថៃ លោកពិនយ៉ារ៉ាក់ ពូនសាប់ ឯកអគ្គរាជទូតថៃប្រចាំកម្ពុជាដែល បានខិតខំសម្របសម្រួលនូវការផ្តល់ជំនួយនេះនិងបានចុះអនុស្សារណ:យោគយល់គ្នា កន្លងមកថ្មីៗនេះ ។
លោកស្រីឈា ម៉ានីត នាយិកាមណ្ឌលសំចត បានឲ្យដឹងថា យោងអនុស្សារណៈយោគយល់គ្នារវាងក្រសួងសង្គមកិច្ច អតីតយុទ្ធជននិងយុវនិតិសម្បទារ និងស្ថានទូតថៃប្រចាំកម្ពុជា ជំនួយសាងសង់មណ្ឌលសំចតថ្មីនេះ ត្រូវចាប់ផ្តើមពីថ្ងៃទី១៥ ខែសីហា ឆ្នាំ២០២២ និងគ្រោងបញ្ចប់ ។គម្រោងសាងសង់មណ្ឌលសំចតថ្មី ខេត្តបន្ទាយមានជ័យ ស្ថិតជិតព្រំដែននាក្រុងប៉ោយប៉ែតនេះ ត្រូវសង់លើផ្ទៃដីជិត១ហិចតា ដែលមាន៥អគារ រួមមានៈ
១–អគារជនរងគ្រោះ បុរស១ ខ្នង ។
២–អគារជនរងគ្រោះស្ត្រី១ ខ្នង ។
៣– អគាររដ្ឋបាល១ខ្នង ។
៤–អគារអាហារដ្ឋាន១ខ្នង ។និង
៥– អគារបណ្តុះបណ្តាលអាជីពរួម១ខ្នង ។
លោកស្រីបន្តថា បច្ចុប្បន្ន ស្ថានភាពពលករនិសន្តរប្រវេសន៍មាតុភូមិនិវត្តន៍មានភាពធូរស្រាល ដោយចូលមកក្នុងមណ្ឌលសំចតនេះមានតែប្រមាណ៥ផនាក់/ថ្ងៃ ។ចំពោះកិច្ចសហការមានជាមួយអាជ្ញាធរមានសមត្ថកិច្ច និងសហប្រតិបត្តិការជាមួយដៃគូអភិវឌ្ឍន៍ដូចជា អង្គការរតន:អន្តរជាតិ និសន្តប្រវេសន៍អន្តរជាតិ(IOM), យូនីសេហ្វ(UNICEF ),សាម៉ារីតាន់ ភឺស(Samaritan Purse ),3PC , គ្រួសារថ្មី, តំណក់ទឹក,ភឿនៗអារញ្ញាប្រាថេត ។ល។ក្នុងនោះ ចំពោះមុខ មណ្ឌលបាននឹងកំពុងផ្តល់សេវាជាអាហារសម្រន់ សុខភាពបឋម បណ្តុះបណ្តាលវិជ្ជាជីវ:៥ ជំនាញ ។ តែខ្វះខាតខ្លាំងថវិកាសម្រាប់ពលករធ្វើដំណើរវិលទៅផ្ទះនិងសហគមន៍វិញ ៕
