ខេត្តស្ទឹងត្រែង៖ប្រជាពលរដ្ឋនិងមន្ត្រីរាជការនៅខេត្តស្ទឹងត្រែង សំដែនការហួសចិត្ត ដែលឃើញខាងមន្ទីរសាធារណការនិងដឹកជញ្ជូន របស់ខេត្ត បានប្រើប្រាស់រថយន្តស្ទូច ដែលប្រទេសជប៉ុនជំនួយ យកមកដឹកឈើ ល្មើសច្បាប់ ជារៀងរាល់ថ្ងៃ ចេញពីតំបន់បាតអាង ចូលមកទីរួមខេត្តស្ទឹងត្រែង ក្នុងមួយថ្ងៃពីជើង ដែលឈើទាំងអស់នោះ គឺសុទ្ធសឹងតែ ជាប្រភេទឈើកកោះ ដែលមានមុខកាត់ ចាប់ពី៣ តឹក ៤តឹក ៥តឹក ឡាំងបួនជ្រុង ប្រវែង៤ម៉ែត្រ និងឈើសន្លឹក ដែលមានមុខកាត់ពី៨តឹក ទៅដល់មួយម៉ែត្រ កំរាស់មួយទឹកកន្លះ ប្រវែង៤ម៉ែត្រ។
ជាក់ស្ដែងរូបភាពនេះ គឺឃើញឈើលើឡាន នៅចំណុចភូមិសាមឃួយ ឃុំសាមឃួយ ស្រុកសេសានរបស់ខេត្តស្ទឹងត្រែង នាវេលាម៉ោង៦ល្ងាច ថ្ងៃទី១៧ ខែឧសភា ឆ្នាំ២០១៩។
ប្រជាពលរដ្ឋបានឲ្យដឹងថា រថយន្តស្ទូច ជាអំណោយរបស់ប្រទេសជប៉ុន ដល់មន្ទីរសាធារណការនិងដឹកជញ្ជូនខេត្តស្ទឹងត្រែងនេះ ឃើញធ្វើសកម្មភាព ដឹកឈើ អស់រយៈកាល ជិតមួយសប្តាហ៍កន្លងមកហើយ ក្នុងមួយថ្ងៃពីជើង ដែលឈើទាំងអស់នេះ គឺសុទ្ធសឹងតែ ជាប្រភេទឈើកកោះ ឈើឈ្លីក តម្រូវទីផ្សារអន្តរជាតិ។
ពាក់ព័ន្ធនឹងករណីនេះ លោកស គឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែង បានបកស្រាយថា ឈើទាំងអស់នេះ គឺដឹកចេញមកពី ចំណុចបាតអាង យកមកធ្វើស្ពាន ផ្លូវទៅ វ៉ារីអគ្គិសនី សេសានក្រោម២។
ថ្វីត្បិតជា មានការបកស្រាយយ៉ាងណាក៏ដោយ ក៏ប្រជាពលរដ្ឋ និងមន្ត្រីរាជការអត់មានជំនឿទេ ដោយសារតែ ឈើទាំងអស់នេះមិនមែនជាខ្នាត ឈើធ្វើស្ពាននោះទេ ហើយស្ពានទាំងអស់នោះគឺ សុទ្ធសឹងជាស្ពានបាឡេ ដល់ស្ពានឈើអូតាសីខូចបាក់ជាក់ស្តែងនោះគឺសុខចិត្តបើកឡានដឹកឈើឆ្លងចោល អត់ធ្វើទេ ហើយជាក់ស្ដែង គឺគេបានឃើញ យកឈើទាំងអស់នេះ មករំលែក នៅចំណុច កន្ទុយភូមិសាមឃួយ ឃុំសាមឃួយ ស្រុកសេសាន១។
ចំណែក ដែលឈើ បែកៗ អន់គុណភាព គឺទុកនៅ ចំណុចកន្ទុយភូមិសាមឃួយ ដោយឡែក ឈើដែលមុខធំៗ ល្អៗ គឺបន្តទៅតាម ឡានដឹកដី ជម្លៀសចូល ទីរួមខេត្តក្នុងពេលយប់។
ប្រសិនបើ ចង់ឃើញជាក់ស្ដែងលើករណីនេះ សូមអធិការកិច្ច អន្តរក្រសួងពាក់ព័ន្ធ ចុះមកធ្វើការត្រួតពិនិត្យ ដល់ទីតាំង កន្លែងធ្វើស្ពានជាក់ស្ដែង នឹងទីតាំង ទុកឈើជាក់ស្តែងនោះគឺប្រាកដជាឃើការពិត្រជាក់ជាពុំខាន៕